नेपाल सरकारले कृषिमा लाग्ने युवाहरूलाई ७०% अनुदान दिने भएको छ।
सरकारले कृषिमा युवाहरूलाई आकर्षित गर्न धेरै अघि देखि विभिन्न कार्यक्रम बनाउँदै आएको छ। यस पटक सरकारले व्यवसायिक योजना र प्रतिफलका आधारमा ७० प्रतिशतसम्मको अनुदान दिने व्यवस्था ल्याएको छ।
कृषि, भूमी व्यवस्था तथा सहकारी मन्त्री चक्रपाणी खनालले आफ्नो कार्ययोजना प्रस्तुत गर्ने क्रममा यस व्यवस्थाको घोषणा गरेका हुन्।
मन्त्री खनालका अनुसार एकल वा सामुहिक रुपमा व्यवसायिक कृषि गर्ने युवाहरू यो व्यवस्थाबाट लाभान्वित हुन सक्ने छन्। उनले विदेशबाट सिप र पुँजी लिएर आएका युवालाई लक्षित गरि विशेष कार्यक्रम पनि ल्याउने घोषणा गरेका छन्।
कार्ययोजना अनुसार आगामी ३ वर्षमा आलु, प्याज, खुर्सानी लगायत हरियो तरकारीको उत्पादन बढाएर आत्मनिर्भर बन्ने कुरा उल्लेख गरिएको छ। उत्पादक सहकारीलाई प्रवर्धन गर्ने कालीमाटी लगायत ठुला कृषि बजारहरूमा कम्तिमा २५% स्टल उत्पादन सहकारीहरूलाई दिने बताइएको छ।
मंत्री खनालका अनुसार यस अघिका सरकारहरूले पनि राम्रा योजनाहरू अघि ल्याउने गरेको तर कार्यान्वयनमा चुकेकोले यस ती राम्रा र महत्वाकांछी योजनाहरूलाई पनि समेटेर कार्ययोजना बनाइएको छ।