Categories: स्वास्थ्य

अर्थ संकलनको लागि समर्थ नेपालले ‘इम्प्याक्ट हाइक’ आयोजना गर्दै

विगत दुई वर्षदेखि नसर्ने रोगहरु संबन्धी चेतनामुलक कार्यक्रमहरु गर्दै आएको गैर नाफामुखी संस्था ‘समर्थ नेपाल’ले यहि मार्च ३१ मा आर्थिक स्रोत संकलनका लागी ‘इम्प्याक्ट हाइक’ नामक कार्यक्रमको आयोजना गर्दैछ।

अर्बुद रोग  (क्यान्सर) बाट बच्न मानिसहरुमा चेतना फैलाउने, जाँच गरी उपचार गराउने जस्ता कामहरुका लागि आर्थिक श्रोत जुटाउन यस कार्यक्रमको आयोजना गरिएको कुरा समर्थ नेपालकी व्यवस्थापक प्रियासा महर्जनले बताउनु भयो। विशेष गरी स्तन क्यान्सर, पाठेघर सम्बन्धि रोग, मृगौला सम्बन्धि रोग लगायतका नसर्ने रोगका बारेमा चेतना जगाउन र नि:शुल्क जाँच गरी उपचार गराउने कामका संकलित अर्थको प्रयोग हुनेछ।

लगभग ३० जनाको सहभागीता हुने यस यात्रामा प्रत्येक सहभागीबाट रू. २००० रकम लिइने छ। सहभागीहरुलाई टि–सर्ट , खाना, खाजा, यातायात, आपतकालीन स्वास्थ्य सेवाको व्यवस्था संस्थाबाट नै गराइने कुरा आयोजकले जनाएको छ । यो यात्रा साँखुबाट सुरु गरी ढोक्सान हुँदै पुन: साँखु आएर समाप्त हुनेछ।

सन् २०१८ भित्रमा तिन वटा यस्ता कार्यक्रमहरु गरिसक्ने उद्देश्य राखिएकोमा मार्च ३१मा गर्न लागिएको पहिलो हाइकिङ कार्यक्रमबाट रू. ४,५०,००० आर्थिक सहयोग जुटाउने लक्ष्य संस्थाले राखेको छ। हाइकिंगका सहभागीहरू बाहेक विभिन्न सरकारी तथा गैरसरकारी संस्थाहरुबाट पनि आर्थिक सहयोग प्राप्त गर्ने अपेक्षा गरिएको छ।

सन् २०१६मा स्थापित गैरनाफामुखी संस्था समर्थ नेपालले निःशुल्क रुपमा मानिसहरुमा विभिन्न प्रकारका नसर्ने दिर्घ रोगको बारेमा सचेतना प्रदान गर्ने र उपचार गराउने कार्य गर्दै आएको छ । पाँच जना सदस्यहरूबाट संचालित यस संस्थामा हाल २० जना डक्टर, नर्स लगायतका स्वास्थ्यकर्मीहरू  सहयोगीको रुपमा काम गरिरहेका छन् ।

यस संस्थाले हाल सम्ममा १७ वटा विभिन्न जनचेतनामुलक कार्यक्रमहरु गरिसकेको छ भने ५००० भन्दा बढी मानिसहरुलाई जाँच गरी नि:शुल्क उपचार गरेको छ। यस संस्थाले हालसम्म गरेका विभिन्न कार्यक्रमहरुका निम्ति विभिन्न संघसंस्था, नगरपालिकाहरुबाट आर्थिक सहयोग प्राप्त गर्दै आएको छ।

हाल मृगौला सम्बन्धि रोग, महिलाहरुमा स्तन क्यान्सर, पाठेघर सम्बन्धि रोग प्रसस्त देखिन थालेको छ । यस्ता रोगका कारण वर्षेनि हजारौँ मानिसहरुले ज्यान गुमाइरहेको अवस्थामा समर्थ नेपालद्धारा आयोजित चेतनामुलक कार्यक्रम ‘HIKE FOR AWARENESS’ समयसान्दर्भिक रहेको  छ ।

सम्पादन गरिएको: March 20, 2018, 11:02 am

ताजा समाचारहरू

नेपालको नमुना गाउँपालिका – यस्तो छ मर्स्याङ्गदी गाउँपालिका (भिडियो सहित)

जननिर्वाचित प्रतिनिधिहरुको व्यवस्थापनमा चलिरहेका स्थानीय तह प्रति आम जनताका अपेक्षा निक्कै धेरै छन्। तर हाल सम्मको अवस्था हेर्दा जनप्रतिनिधिहरूको काम सन्तोषजनक छैनन्।…

श्रावण २६ 2:11 pm

मोबाइल फोनमा गेम खेल्न हामीलाई किन मन पर्छ? मनो-विज्ञान त गेम बनाउनेले धेरै बुझेका रेहेछन्।

कतिजना युवक (बाल्यकाल) कटिसकेका सोच्न सक्छन, “हो म मोबाईलमा गेम खेल्छु, तर मात्र बसमा कलेज जाने समयमात्र, क्यानटीनमा खाजा टेबलमा…

श्रावण २५ 5:26 pm

नेपाल एयरलायन्सको २७४ सिट भएको दोस्रो वाइड बडी जहाज नेपाल भित्रियो

सरकारको पुर्ण स्वामित्वमा रहेको नेपाल एयरलाइन्सको दोस्रो वाइड बडी जहाज आज नेपाल भित्रिएको छ। आज बिहान सबा नौ बजे जहाज काठमाडौंको…

श्रावण १० 5:52 pm

डा. केसीको वार्ता टोली र सरकारबीच भयो सहमती, डा. केसीलाई जानकारी गराइदै

अनसनरत डा. गोविन्द केसी पक्षको वार्ता टोली र सरकारी वार्ता टोलीबीचको वार्ता सहमतीमा पुगेको छ। डा. गोविन्द केसीको तर्फबाट वार्ताटोलीमा…

श्रावण १० 5:05 pm

बिराटनगरको भारतीय फिल्ड अफिस साउन १६बाट बन्द हुने

बिराटनगरमा रहेको भारतीय फिल्ड अफिस साउन १६ गते अर्थात अगष्ट १बाट बन्द हुने भारतीय राजदुतावासले जनाएको छ। उक्त फिल्ड अफिसले…

श्रावण ९ 9:03 am

समाजवादको खोजी गर्दै डा. केसीका समर्थकहरूले गरे टर्च लाइट र्‍याली

'समाज उन्मुख नेपाल हाम्रो चाहना' भन्ने नारा सहित डा. केसीका समर्थकहरूले मंगलबार बेलुकी टर्च लाइट र्‍याली गरे। महाराजगंज शिक्षण अस्पतालबाट…

श्रावण ९ 7:45 am