Categories: समाजसामाजिक अभियानस्वास्थ्य

समर्थ नेपालद्वारा पहिलो इम्प्याक्ट हाइक ढोक्सानमा सम्पन्न

समर्थ नेपालले आफ्नो पहिलो इम्प्याक्ट हाइक मार्च ३१मा सम्पन्न गरेको छ। ३० जना सहभागी रहेको उक्त हाइक करिब ९ किलोमिटरको थियो र काठमाडौँको शंखरापुर नगरपालिका नगरपालिकाको तामाङ् बस्ती हुँदै अगाडी बढेको थियो।

समर्थ नेपालले गर्ने जनचेतना कार्यक्रमहरु तथा विभिन्न नसर्ने रोगहरु जस्तै क्यान्सर, मृगौला रोग, मुटु रोग, आदीको स्क्रिनिंग कार्यक्रमको लागि आर्थिक श्रोत जुटाउनु नै उक्त हाइकको मूल उद्देश्य रहेको थियो।

“समर्थ नेपालले जनता क्लिनिक नामक आफ्नो कार्यक्रम मार्फत विभिन्न स्वास्थ जनचेतना तथा रोग परिक्षण अभियानहरु संचालन गर्दछ। पहिलो इम्प्याक्ट हाइक अगाडी बढेसँगै हामीले स्तन तथा पाठेघरको मुखको क्यान्सर संबन्धी जनचेतनामुलक कामहरु गर्ने लक्ष्य राखेका छौं।” संस्थाका सह-संस्थापक दिब्यस गिरीले बताए।

इम्प्याक्ट हाइकका सहभागीहरु बिहानै थापागाउँ स्थित प्रेसिडेन्सियल बिजिनेस स्कुलको प्राङ्गणमा जम्मा भए र खाजा खाई बसमार्फत जहरसिंह पौवा पुगे। त्यहाँबाट स्थानीय गाइड राजमान स्याङ्बोले सहभागीहरुलाई जंगलको पदमार्ग हुँदै चिहानडाँडा पुर्याए। चिहानडाँडा त्यस क्षेत्रको सबै भन्दा अग्लो बिन्दु भएकोले त्यहाँबाट सुन्दर हिमशृंखला, काठमाडौँ उपत्यका तथा सम्पूर्ण ढोक्सान-कार्तिके कोरिडोरको दृश्यावलोकन गर्न सकिन्छ। चिहानडाँडाबाट आल्चौर हुँदै सहभागीहरु ढोक्सान पुगे र त्यहाँको सामुदायिक विद्यालयको भ्रमण गरे। त्यस पश्चात कार्तिकेमा पुगी जहरसिंह पौवामा नै फर्किए र बिहान ७ बजे सुरु भएको हाइक बोलुका ५ बजे समापन भयो।

समर्थका स्वास्थ्य अभियानहरुलाई आर्थिक श्रोत जुटाउनुको साथसाथै, उक्त इम्प्याक्ट हाइकले स्थानीय पदमार्गको प्रवर्धन पनि गर्यो जसबाट पर्यटकीय क्षेत्रको रुपमा विकासित हुन खोजेको यस क्षेत्रका जनता लाभान्वित हुने छन्। सहभागीहरुलाई समुदायभित्र लगेर त्यहाँ भइरहेका स-साना प्रयासहरु जस्तै होम-स्टे सुविधा, इट्टा उद्योग, आदी देखाइयो। यसका साथै, यस हाइकले सहभागीहरुमा पनि नयाँ पदमार्गमा हाइकको अविस्मरणीय अनुभवको सिर्जना गर्यो।

इम्प्याक्ट हाइकलाई स्मार्टटेक सोलुसन, खल्ती, अबरी, आइटी ग्यामुट, अम्युज मिडिया, स्पाइर्यालोजिक्स इन्स्टीच्युट, अफरिंग ह्याप्पीनेस, प्रेसिडेन्सियल बिजिनेस स्कुल, नेसनल कलेज, आवरण स्किन, हेयर क्लिनिक, भाटिका इन्टरनेसनल होटेल तथा नेपाल नेसनल हस्पिटलले सहयोग गरेका थिए। नयाँ प्रहर तथा ग्लोकल खबर यस कार्यक्रमको आधिकारिक मिडिया पार्टनर रहेका थिए।

सम्पादन गरिएको: April 4, 2018, 6:15 pm

ताजा समाचारहरू

नेपालको नमुना गाउँपालिका – यस्तो छ मर्स्याङ्गदी गाउँपालिका (भिडियो सहित)

जननिर्वाचित प्रतिनिधिहरुको व्यवस्थापनमा चलिरहेका स्थानीय तह प्रति आम जनताका अपेक्षा निक्कै धेरै छन्। तर हाल सम्मको अवस्था हेर्दा जनप्रतिनिधिहरूको काम सन्तोषजनक छैनन्।…

श्रावण २६ 2:11 pm

मोबाइल फोनमा गेम खेल्न हामीलाई किन मन पर्छ? मनो-विज्ञान त गेम बनाउनेले धेरै बुझेका रेहेछन्।

कतिजना युवक (बाल्यकाल) कटिसकेका सोच्न सक्छन, “हो म मोबाईलमा गेम खेल्छु, तर मात्र बसमा कलेज जाने समयमात्र, क्यानटीनमा खाजा टेबलमा…

श्रावण २५ 5:26 pm

नेपाल एयरलायन्सको २७४ सिट भएको दोस्रो वाइड बडी जहाज नेपाल भित्रियो

सरकारको पुर्ण स्वामित्वमा रहेको नेपाल एयरलाइन्सको दोस्रो वाइड बडी जहाज आज नेपाल भित्रिएको छ। आज बिहान सबा नौ बजे जहाज काठमाडौंको…

श्रावण १० 5:52 pm

डा. केसीको वार्ता टोली र सरकारबीच भयो सहमती, डा. केसीलाई जानकारी गराइदै

अनसनरत डा. गोविन्द केसी पक्षको वार्ता टोली र सरकारी वार्ता टोलीबीचको वार्ता सहमतीमा पुगेको छ। डा. गोविन्द केसीको तर्फबाट वार्ताटोलीमा…

श्रावण १० 5:05 pm

बिराटनगरको भारतीय फिल्ड अफिस साउन १६बाट बन्द हुने

बिराटनगरमा रहेको भारतीय फिल्ड अफिस साउन १६ गते अर्थात अगष्ट १बाट बन्द हुने भारतीय राजदुतावासले जनाएको छ। उक्त फिल्ड अफिसले…

श्रावण ९ 9:03 am

समाजवादको खोजी गर्दै डा. केसीका समर्थकहरूले गरे टर्च लाइट र्‍याली

'समाज उन्मुख नेपाल हाम्रो चाहना' भन्ने नारा सहित डा. केसीका समर्थकहरूले मंगलबार बेलुकी टर्च लाइट र्‍याली गरे। महाराजगंज शिक्षण अस्पतालबाट…

श्रावण ९ 7:45 am